Sat, 06 Mar
మీడియా పార్టనర్స్ కావలెను.
మా యాప్ ను పొందండి.

కరోనా వైరస్ (కోవిడ్-19): లక్షణాలు, కారణాలు, నివారణలు

కరోనా వైరస్, చైనాలో పుట్టి ప్రపంచ దేశాలకు వ్యాపించి అగ్రదేశాలను సైతం ఆర్థికంగా కోలుకోలేని విధంగా దెబ్బ కొట్టి, లక్షల మంది ప్రాణాలను బలి తీసుకున్న మహమ్మారి. ఈ వైరస్ గురించి ప్రతి ఒక్కరూ అవగాహన చేసుకోవాల్సిన విషయాలను తెలుసుకుందాం.



లక్షణాలు


ఈ వైరస్ మన శరీరంలోకి వచ్చిన తరువాత శరీరమంతా వ్యాపించి లక్షణాలు బయట పడటానికి సుమారు 5 నుంచి 15 రోజుల వరకు పట్టవచ్చు.


ఈ క్రింది లక్షణాలు ప్రధానమైనవి. అందరికీ అన్ని లక్షణాలు ఉండకపోవచ్చు.


  • జ్వరం 100° F దాటుతుంది
  • ఎడతెరిపి లేకుండా దగ్గు రావడం
  • వాసన మరియు రుచి కోల్పోవడం
  • తీవ్రమైన ఒళ్ళు నొప్పులు రావడం
  • ఊపిరి తీసుకోవడం ఇబ్బందిగా మారడం

పైవి కాకుండా ఇంకా కొన్ని లక్షణాలు కూడా ఈ క్రింద తెలిపినవి ఉండవచ్చు. ముఖ్యంగా చిన్న పిల్లల్లో ఇవి కనిపించవచ్చు.


  • తలనొప్పి
  • వికారం, వాంతులు
  • విరేచనాలు

కొన్ని సార్లు పై లక్షణాలు కనిపించకుండా నే కోవిడ్-19 పాజిటివ్ రావడం కూడా జరుగుతుంది.



కారణాలు


  • కరోనా సోకిన వారు దగ్గినా, తుమ్మినా వ్యాపించిన ఆ వైరస్ మన కళ్ళు, ముక్కు, నోటి ద్వారా శరీరంలోకి ప్రవేశిస్తుంది.
  • మన చేతి మీదకి ప్రవేశించినప్పుడు, మనకు చేతులు శుభ్రం చేసుకోకుండా మొహం తుడుచు కోవడం లాంటివి చేస్తే మనలోకి ప్రవేశిస్తుంది.


జాగ్రత్తలు



రాకుండా తీసుకోవాల్సినవి


  • బహిరంగ ప్రదేశాలలో ఎల్లప్పుడూ మాస్కుని ధరించాలి.
  • బయటకి వెళ్ళి వచ్చినప్పుడు మరియు తినే ముందు తప్పనిసరిగా చేతులను సబ్బుతో లేదా శానిటైజర్ తో శుభ్రం చేసుకోవాలి.
  • చేతులు శుభ్రం చేసుకోకుండా మొహాన్ని, కళ్ళు, నోరు, ముక్కు ప్రదేశాలలో తాకకూడదు.


లక్షణాలుంటే తీసుకోవాల్సినవి


  • ముందుగా మిగతా వారి నుంచి వేరుగా ఉండండి.
  • ఏ లక్షణం బయట పడితే దానికి తగ్గ మాత్రలు వేసుకోండి (ఉదా: జ్వరం వస్తే జ్వరం మాత్ర, దగ్గు వస్తె సిరప్).
  • ఉపవాసం లేదా ఖాళీ కడుపుతో ఉండకూడదు.
  • చల్లని నీళ్లు అసలు త్రాగొద్దు. కాచిన నీటిని ఫ్లాస్కులో పోసుకుని తాగండి.
  • రోజూ కనీసం 4 లేదా 5 సార్లు వేడి నీళ్ళల్లో [పసుపు + (జండు బాం/ అమ్రుతంజన్/ఇన్హేలర్ మాత్రలు)] వేసి ఆవిరి పట్టుకోండి.
  • మిరియాలు, పసుపు, అల్లంతో కషాయం మూడు పూటలా తాగండి. ఈ పదార్థాలు (నిమ్మపండు, వాము, శొంఠి, తులసి ఆకులు, దాల్చిన చెక్క, లవంగాలు) కూడా ఉపయోగించడం మంచిది.
  • చేతులను శుభ్రం చేసుకుని తరచుగా వేడి నీటితో (ఉప్పు + పసుపు) ముక్కుని నోటిని శుభ్రం చేసుకోండి.
  • నారింజ పళ్లు రోగ నిరోధక శక్తి కి మంచిది.
  • తినే/తాగే పదార్థాలలో ఉసిరి, వాము, శొంఠి, తులసి ఆకులు, దాల్చిన చెక్క, లవంగాలు వంటి పదార్థాలు ఉపయోగించండి.
  • ఇంటి ఆవరణంలో ఆవు పిడకలు, కర్పూరంతో ధూపం వేయడం మంచిది.


సహాయం


కరోనా వల్ల ఇబ్బంది అధికం ఇంట్లో ఉండలేని పరిస్థితుల్లో సహాయం కొరకు ఈ క్రింద తెలిపిన ప్రభుత్వ సహాయ సిబ్బందికి కాల్ చేయవచ్చు.


కేంద్ర ప్రభుత్వం: 011-23978046


ఆంధ్రప్రదేశ్ + తెలంగాణ: 104


ఈ మహమ్మారి సోకినవారు త్వరగా కోలుకోవాలని, దానికి తగిన సహకారం ఆయా ప్రభుత్వాలు అందించాలని, అలాగే మనం వైరస్ వ్యాప్తి చెందకుండా బాధ్యతగా మెలగాలని కోరుకుందాం.


Related

Recent

మెను
పుస్తకాలు
టూల్స్
షేర్
కిందకు
BOOKS
TOOLS
Download our app
Our partner's video
DOWNLOAD OUR APP

Share this