మనకు జ్యోతిష్య శాస్త్రము ప్రకారం అశ్వని, భరణి, కృత్తిక మొదలుకొని పూర్వాభాద్ర, ఉత్తరాభాద్ర, రేవతి వరకు మొత్తం 27 నక్షత్రాలు కలవు. 27 నక్షత్రాలకు కాల అధి దైవాలను, మరియు వాటి ఆకృతి (నక్షత్రాల సముదాయం) ను కింది పట్టికలో పేర్కొన్నాము.
| నక్షత్రం | అధిదైవాలు | ఆకారం | |
| 1 | అశ్వని | అశ్వనీ దేవతలు | గుర్రం ముఖం (3 నక్షత్రాల గుంపు) |
| 2 | భరణి | యముడు | యోని (3 నక్షత్రాలు) |
| 3 | కృత్తిక | అగ్ని | మంగలి కత్తి (6 నక్షత్రాలు) |
| 4 | రోహిణి | ప్రజాపతి | బండి (5 నక్షత్రాలు) |
| 5 | మృగశిర | చంద్రుడు | శిరస్సు (3 నక్షత్రాలు) |
| 6 | ఆరుద్ర | రుద్రుడు | పగడం ఆకృతిలో మెరుస్తూ ఒక నక్షత్రం |
| 7 | పునర్వసు | అదితి | బండి (5 నక్షత్రాలు) |
| 8 | పుష్యమి | బృహస్పతి | సరళాకృతిలో వరుసగా 3* |
| 9 | ఆశ్లేష | సర్పం | సర్పం (6 *) |
| 10 | మఖ | పితురులు | పల్లకి (5*) |
| 11 | పుబ్బ | భగుడు | కన్ను (పుబ్బ, ఉత్తర *) |
| 12 | ఉత్తర | అర్యముడు | కన్ను (పుబ్బ, ఉత్తర *) |
| 13 | హస్త | సూర్యుడు | చేతి వేళ్ళు (5 *) |
| 14 | చిత్త | విశ్వకర్మ | ముత్యం (1 *) |
| 15 | స్వాతి | వాయువు | మాణిక్యం (1*) |
| 16 | విశాఖ | ఇంద్రాగ్నులు | కుమ్మరి సారె (5 *) |
| 17 | అనూరాధ | మిత్ర (సూర్య) | గొడుగు (అనూరాధ జ్యేష్ఠ 3 *) |
| 18 | జ్యేష్ఠ | ఇంద్ర | గొడుగు (అనూరాధ జ్యేష్ఠ 3 *) |
| 19 | మూల | నిరృతి | కోపించిన కేసరి (5 *) |
| 20 | పూర్వాషాఢ | ఉదకములు | కప్ప (పూషా, ఉషా 2*) |
| 21 | ఉత్తరాషాఢ | విశ్వ దేవతలు | కప్ప (పూషా, ఉషా 2*) |
| 22 | శ్రవణం | విష్ణు | చేప (3 *) |
| 23 | ధనిష్ఠ | వసువులు | శిరస్సు (3*) |
| 24 | శతభిషం | వరుణుడు | 100 తారల గుంపు |
| 25 | పూర్వాభాద్ర | అజైక పాదుడు | మంచం (పూభా 2*) |
| 26 | ఉత్తరాభాద్ర | అహిర్భుద్య్న | మంచం (పూభా 2*) |
| 27 | రేవతి | పూష (సూర్య) | చేప (3 *) |
ఒక్కో నక్షత్రానికి 4 పాదములు ఉంటాయి. పుట్టిన నక్షత్ర పాదం బట్టి ఒక వ్యక్తి యొక్క రాశిని చెబుతాము. ఒక్కొక్క రాశి ఏ పాదంతో మొదలైనా కూడా మొత్తం 9 నక్షత్ర పాదాలను కలిగి ఉంటుంది. అనగా ఒక రాశి అత్యధికంగా 3 నక్షత్రాలను కలిగి ఉంటుంది.
అందువల్ల జ్యోతిష్యం నేర్చుకోవాలనే ఉద్దేశం ఉన్నవారు 27 నక్షత్రాలను కంఠస్థం చేయడం తప్పనిసరి. 27 నక్షత్రాలను 3 భాగాలు చేసి ఒక్కో భాగంలో 9 నక్షత్రాలు ఉంటాయి. ఆ 9 నక్షత్రాలను ఇంకో 3 భాగాలు చేస్తే ఒక్కో భాగంలో 3 నక్షత్రాలు ఉంటాయి. ఇలా భాగాలుగా విభజించుకుని గుర్తు పెట్టుకోడం చాలా సులభంగా ఉంటుంది.
OmniGuru